Aksidente di trafiko ku varios herido

WILLEMSTAD, Curacao — Djadumingu 1 di novèmber 2015, alrededor di 14.30’or Sentral di Polis a risibí notifikashon ku riba George Maduroweg  un vehíkulo a dal den un Konvoi i ku tin vários herido.

For di un investigashon ku polis a realisá na e sitio a resultá ku shofùr di un outo ku tabata koriendo riba SBN van Staverenweg direkshon Van Engelen a krusa George Maduroweg sin duna preferensia na un Konvoi ku tabata bini riba George Maduroweg direkshon pòmp di gasolin Cas Coraweg, ku konsekuensia ku e outo a dal den e Konvoi.

A konsekuensia di e choke aki e shofùr di e Konvoi a pèrdè kontròl riba su stürwil i bai dal den un kas situá riba SBN van Staverenweg.

180515-ENNIA_ENG_Website-banner-SXM-Talks-WONEN-468x60px (1)

E shofùr di e outo despues di e choke a dal den kura di un kas riba George Maduroweg.

A konsekuensia di e aksidente aki tabata tin vários herido den e Konvoi i 2 herido den e outo.

Tur a keda transportá ku ambulans di tantu F.K.A. i ambulans di Rode Kruis pa poliklínika di SEHOS pa tratamentu. Despues di tratamentu e víktimanan di e konvoi por a bai kas miéntras e dos víktimanan di e outo a keda interná pa opservashon.

Departamento di Tráfiko ta kontinuá ku e investigashon.

Source: 721 news Aksidente di trafiko ku varios herido

LEAVE A REPLY