Pa Korant Vigilante
WILLEMSTAD, Curacao — Morto di Helmin Wiels, no tabata un morto politiko, sino 2 persona den baho mundo, kendenan tabata ligá ku un seri di atrako riba bara di oro i oloshinan di marka, a finansiá e asesinato riba Helmin Wiels.
E plan pa asesina e lider politiko a bini despues ku Wiels na februari 2013 a inisia un seri di kòmbersashon ku un alto funshonario den RST unda informashon di baho mundu a lèk yega RST.
Esnan envolvi inkluso Luigi Pretu Florentina for di aprel 2013, a traha e plan pa asesiná Wiels. Tin hasta indikashonnan ku Florentina lo a plania i pre-finansiá hinter e operashon.
Den kaso Maximus, hopi hende inosente a keda inkrimina, inkluso komersiantenan i miembronan di diferente partido politiko.
NOTA di Vigilante riba su pagina di facebook…
Vigilante ta hopi agredisido pa e mas di 30 mil komentario i reakshonnan riba publikashon di Helmin Wiels.. Anke nos ta suplika pa apstene e palabranan insolente, nos ta sostene libertat di ekspreshon. Awe, mas lat nos tei publika un di tres artikulo, unda nos lo sigui informa pueblo riba e relashon entre oloshinan horta i asesinato di Helmin Wiels. Nos ke suplika hopi pasenshi, pasobra pa por kompronde e asesinato aki ku tin nos pueblo ainda konfundi, mester bai bek unda el a inisia i dikon el a yega asina leu. Entre otro awe, lo publika e proseso kon kolombianonan a konfiska e boto di motor di defuntu Luigi Florentina kual a kondusi despues na asesinato horendo di unu di nan. Nos lo publika mas lat e nomber di e kolombiano i tambe refleha dikon MInisterio Publiko a yega lat na e pida prueba aki. Nos ta bolbe suplika un poko pasenshi i mester keda mira e hechosnan. E motibu dikon nos ta kuminsa publika ta un esfuerso pa kisas motiva Ministerio Publiko asumi un posishon den e kaso Maximus. Sea ta sera e kaso of sera esnan kende a “sostene” e proseso pa asesina e lider apsoluto di Pueblo Soberano
Atrako riba oloshi a paga pa asesina Wiels
