Den un deklarashon boluntario na RST “sin pia sin kabes” Richeron Balentien ta inkriminá Nini Fonseca den morto di Pretu

Pa Korant Vigilante

ZEELANDIA, Curacao — Reportero di Radio Direct, Richeron Balentien, den un deklarashon riba 31 di òktober 2013, no a tene ningun restrikshon momento el a inkriminá e hòmber Nini Fonseca den morto di Luigi “Pretu” Florentina. Den un deklarashon sin prueba, Balentien a bisa funshonarionan ulandes di RST, Jeroen Jan Klein i Steff Sneider, ku un hóben lo a kont’é ku ta Nini Fonseca a choka defuntu Florentina mata den su sèl. E deklarashon aki no a kuadra ku realidat ni e bèrdat.

Balentien a bisa ku e hóben aki lo a kont’e ta kon Pretu a fayesé. Tekstualmente parti di e deklarashon di Richeron Balentien na RST:
“Hij heeft rond half 8 een broodje ham met iets te drinken gekregen. Rond half 10, 10 uur kwam iemand een toetje geven, een broodje met vlees met een verdovend middel erin. Een paar uur later, kwam twee gasten in de cel. Nini was een van hen. Hij (Lesa Pretu) zei tegen Nini, wat doe je hier, hoe ben je hier binnen gekomen. Nini zei, je moet je geen zorgen maken om mij, waarom heb je dingen gezegd over mij, je moet je zorgen maken over jezelf. Toen heeft hij hem gewurgd en opgehangen. Nini was met een bewaker daar. Nini ging weg en de bewaker ging het melden. Toen hebben ze Pretu gevonden en op de grond gelegd. Nini zou het brain zijn van alles. Hij had de opdracht gekregen”.

170782_ennia_web-banner_sxm-talks_2500-fm_468x60px_eng

Esaki parti di e deklarashon di Richeron Balentien riba 31 di òktober, unda el a inkriminá e hòmber Nini Fonseca abase di lokual un hóben lo a kont’é. Balentein ta bisa den su deklarashon ku alrededor di mitar di ocho, Pretu Florentina a haña un sèntwich di ham. Despues kasi 10’or di anochi un hende lo a trese un pan mas ku karni pero ku droga aden. Despues, segun Balentien, Nini Fonseca ta kana drenta ku un bewaker, unda a surgi un diskushon entre Nini ku Pretu Florentina. Einan Nini lo a choka Pretu Florentina i hork’e. E bewaker despues a bai mèldu, segun Richeron Balentien.

E investigashonnan ku Vigilante a kondusí e tempu dje morto di defuntu Florentina ta konkluí ku e lokual Balentien a deklará ta idiotes di marka mayó. Na promé lugá esnan ku konosé e kompleho di Barber, ta konfirmá ku ta IMPOSIBEL pa niun hende no outoria yega e sèlnan di Barber pasobra na promé lugá mester pasa dos porta kual ámbos ta vigilá pa reshèrshinan na warda i sostené pa kámara.

Na di dos lugá, Balentien den su deklarashon ta inkriminá “un bewaker” ku tabata presente, pasobra e bewaker a para mira tur kos. Esaki no ta kuadra ku bèrdat pasobra e bewaker kende tabata tin warda anochi tabata unu femenino, kual Balentien no a menshoná miéntras ta trata di unu dje bewakernan mas íntegro último 10 aña na Barber.

Un rapòrt ekstenso di komishon Camelia-Römer ta konfirmá alabes lokual Vigilante ta konkluí ku defuntu Pretu Florentina kometé suisidio i no tin niun pero niun pista di otro persona aparte di e reshèrshinan i bewakernan tabatin akseso na e sel di Florentina.

E motibu dikon Vigilante ta publikando

  1. Aparte di tabata insultá reportero gerensha i staf di Vigilante algun aña riba facebook, siman pasá djaweps, redakshon di Radio Direct a relatá ampliamente ku duna karchi di telefon, Pagatinu i gasolin na pueblo ta korupshon. Vigilante ta e UNIKO medio di komunikashon ku ta duna karchi telefon, Pagatinu i gasolin si yama riba nos liña 9339. Esei ta nifiká ku ta Vigilante radio Direct tabata ke men. Ayera, a mustra Radio Direct kiko ta korupshon, despues ku nan mes, kende ta yama Vigilante korupto ta lesa notisia di Vigilante durante nan notisia na Radio Direct. Esei ta korupshon i ladronisia.
  2. Un foto di Umpie Welvaart riba Facebook, a pone reporteronan di Radio Direct, e.o. Jason Lau A Kien i Richeron Balentien krea e impreshon ku Vigilante ta korumpí i ta traha ku polis. Awe ta publiká e promé seri di deklarashon boluntario di Richeron Balentien na RST, unda Balentien ta inkriminá hende inosente na polis unda tabatin konsekuenshanan serio pa bida di esnan kende no tabatin nada di haber ku e kaso Maximus. Balentien a hasta gaña na RST i inkriminá polítikonan, komersiantenan ku te awe no sa nada di su deklarashonnan na RST. Ku otro palabra, reportero di Radio Direct a firma di a deklará na polis. Ku esei nos ke ilustrá ku miéntras Radio Direct ta krea un impreshon un banda, e otro banda nan ta hasi mas pió.
  3. Reportero di Radio Direct, aparte di a kopia notisia legítimo di Vigilante, a revelá su fuentenan na polis. Esaki ta un krímen serio kontra di tur étika di prensa. Aktualmente RST tin den su file, ken ta algun dje fuentenan di e periodista i Radio Direct.

Foto: Inkreibel: Richeron Balentien komo reportero a koperá kompletamente ku RST pa inkriminá hende ku no tabatin nada di haber ku e suisidio di defuntu Luigi Florentina.

Source: 721 news

LEAVE A REPLY