WILLEMSTAD, Curacao — Djadumingu 3 di yanüari alrededor di 17.30’or Sentral di Polis a dirigí un unidat polisial pa un kas den Moontjeweg, unda un hòmber lo mester a keda alkansá pa tiru for di un arma di kandela.
For di investigashon a sali na kla ku un bewaker di un kompania di seguridat privá lo mester a keda alkansá pa un tiru for di su mes arma di servisio, na e banda robes di su garganta.
Ku urgensia a transportá e víktima S.O. di 21 aña di edat pa poliklínika. En konekshon ku esaki, personal di reshèrshi a detené e dama R.C. di 21 aña di edat i e hòmber R.O. di 22 aña di edat, ambos nase na Kòrsou.
Tur e dos sospechosonan aki tabata presente na e kas na momentu di e tiramentu. Investigashon den e kaso aki ta kontinuá.
Potret Strealuz
Hòmber heridá pa arma di kandela
