OTROBANDA, Curacao — Djaluna atardi alrededor di 17.25’or Sentral di Polis a dirigí unidatnan di Otrabanda pa un kas den Breedestraat (O) ku tabata na kandela.
Na yegada di e unidatnan, nan a konstatá un kas situá riba un negoshi, ku tabata na kandela.
Ta trata aki di un kas habitá ku a kima kompletu. Unidatnan di bombero ku a yega na e sitio a paga e kandela i asina evitá ku e por a sigui ekspandé.
Kousa di e kandela no ta konosí pero ta den investigashon.
Kas ta kima den Breedestraat Otrobanda
