KOMUNIKADO DI KUERPO POLISIAL KÒRSOU1 desèmber 2015

WILLEMSTAD, Curacao — Djamars 1 di desèmber 2015, entre 5.30’or pa 6.30’or di mainta polis a tene entrada hudisial den tres kas.

E Tim di Reshèrshi enkargá ku ladronisia den kas, negoshi i outo, den koperashon ku Tim di Mantenshon di Òrdu Públiko General i di Rio Canario a bai na un kas den Souax, Juan Domingo i Ser’i Kandela.

E entradanan hudisial ta relashoná ku diferente ladronisia den kas i negoshi ku a tuma lugá den área di Saliña, Souax i Sta. Maria. Polis a detené na e kasnan e hòmbernan sospechoso:

170782_ennia_web-banner_sxm-talks_2500-fm_468x60px_eng

D.M.J. di 22 aña di edat,

G.J.G. di 19 aña di edat,

I.T.T. di 21 aña di edat, tur tres nasé na Kòrsou, relashoná ku ladronisia.

Durante investigashon den e kasnan polis a konfiská vários artíkulo probablemente prosedente di ladronisia i tambe un arma di kandela.

Tambe a detené e dama R.R.H. nasé na Kòrsou di 21 aña di edat, ku tabata presente na un di kasnan i tabatin artíkulo hòrtá den su poder.

A presentá e sospechosonan dilanti un fiskal ouksiliar ku a ordená nan enkarselamentu pa mas investigashon.

Source: 721 news KOMUNIKADO DI KUERPO POLISIAL KÒRSOU1 desèmber 2015

LEAVE A REPLY