Buskeda pa Yellow “Ta On” pariba den San Nicolas

‎ORANJESTAD(AAN): E buskeda pa e sospechoso di asesinato y tambe intento di asesinato, “Yellow”, a continua. Carnaval a pasa y keto bai no por pone man riba Yellow. Milangelo Trenidad ta fugitivo ainda.

Diabierna prome cu bahada di solo a mira cu e miembronan di Mobiele Eenheid y tambe Arestatie Team a drenta e area pariba den San Nicolas. A drenta Bottomhill Weg y tambe area di Butucu.

‎A mira Recherche presente acompaña pa fiscal mes di Ministerio Publico. Tambe tabata tin presencia di Alto Comisario cu a baha na e casnan cu a wordo bishita. Tabata mas bien drenta tira un bista den e casnan cu tabata wordo bishita. Ademas tabata papia cu e habitantenan y bisiñanan pa mira si nan por yuda.

E presencia di Mobiele Eenheid tabata tey y Arestatie Team pero nan no a bay den accion ningun momento. Nan tabata den e area den auto pa si tin cualkier situacion nan drenta den accion. Finalmente a bira scur y anochi a drenta sin cu a pone man riba Yellow.

Source: Dutch Caribbean News Buskeda pa Yellow “Ta On” pariba den San Nicolas