Cu e acuerdo cu ta bay wordo firma Aruba ta bira doño di e refineria
ORANJESTAD (AAN): Firmamento di documento ‘Heads of Agreement’ cu ta acuerdo preliminar cu CITGO ta e fundeshi pa e siguiente paso. Cu ta e ‘Definitive Participation Agreement’. Esaki ta pa rehabilitacion y pronto reapertura di e refineria y asina continuacion di operacion di e Terminal y Sales and Marketing Operations.
Segun abogado mr. Sjiem Fat, kende tabata envolvi desde un principio den e negociacionnan cu dirigentenan di Citgo, e acuerdo firma ta uno casi 100% sigur cu a reapertura di e refineria ta continua. Nelson Martinez CEO di CITGO y Minister Mike de Meza a pone nan firma bou di e Head of Agreements.
Prome Minister Mike Eman a bisa cu ya pa un temporada largo, bou di tur radar Minister de Meza tabata traha riba e negociacionnan cu Citgo pa yega na e miho deal posibel pa pueblo di Aruba. “Awe nos a haya e documento aki cu a duna muestra di un siguridad y confiansa cu e reapertura di e refineria ta cerca. Un paso chikito mas leu. Pesey tambe a firma e Head of Agreement cu ta un otro logro firme.
Minister de Meza a bisa cu para riba un potret banda di un hende di cualkier compania no ta nifica cu bo a logra algo den e asunto aki.
Cu esaki Minister de Meza claramente ta indica na Glenbert Croes di MEP, kende ta anuncia tur caminda cu ta el a logra un que otro. De Meza “Ta duel mi pa bisa cu e dirigentenan di Citgo a bisa bon cla cu nan no conoce y no sa ken ta Glenbert Croes”.
Minister Paul Croes tambe a mustra su satisfaccion ya cu reapertura di e refineria ta brinda hopi trabou y un spin off pa economia di Aruba.
Source: Dutch Caribbean News Gobierno y CITGO a firma “Heads of Agreement”
View comments
Hide comments