Lider di Mep ta asina preocupa cu ley cu el a permiti pa haci wega den parlamento

Parlamentario Clarisca Velasquez

ORANJESAD(AAN)– Fraccion di Mep pa cuminsa no ta ni interesa pa e ley cu ta bay regla y regula e estancia, guia, cuido di nos grandinan pasobra ta algun a bin atende e reunion publico. Ademas e lider a manda carta pa pospone e ley cu e pretension cu e ley no mester bin ainda pasobra tin hopi preocupacion pa cu e ley aki.

E tin asina hopi preocupacion cu el a permiti pa un di su parlamentario pa bin haci wega den parlamento. Contradictorio totalmente cu loke el a trece dilanti cu e tin preocupacion.

E fraccion di Mep no ta serio pasobra nan no sa bin traha y awe cu tin reunion publico Adi Thijsen cu ta na palabra a bisa cu e NO tin pregunta den prome tanda y ta reserva su preguntanan pa di dos tanda pasobra e sa cu ningun miembro di fraccion di AVP a skirbi nomber pa hiba palabra te na e momentonan ey y pa cera e lista di orador.

Con serio e hendenan aki por ta pa haci wega den parlamento pa un ley cu ta asina importante? Ta traha nan no kier traha mas?

E argumento cu Lider di Mep tabatin pa cu e ley cu ta bay regula estancia, guia y cuido di nos grandinan ta contradictorio cu e wega cu el a permiti pa wordo hunga.

Si esnan di Mep tabatin preocupacion y preguntanan nan mester a haci nan preguntanan y no bin parlamento pa haci wega.

Adi Thijsen ta un homber basta grandi pa bin parlamento pa haci cos di muchachada. Di mes nan no sa bin traha y awor ta bin parlamento pa haci wega.

Source: Dutch Caribbean News Lider di Mep ta asina preocupa cu ley cu el a permiti pa haci wega den parlamento