awor cu tin boltermento den caso di bewakernan,
ORANJESTAD(AAN): E persona cu a agredi e bewaker den KIA, kende a wordo maltrata pa algun colega di e victima, a wordo manda hospital. Pero despues cu el a sali, el a sigui cu su mal mañanan. Awor aki e ta cera bek na KIA pa motibo cu el a comete hopi ladronicia.
Segun abogado Chris Lejuez, riba su mes, e sospechoso no a sufri ningun lesion permanente di loke a sosode. Corte superior a tuma esey den consideracion. E persona aki ta bon. El a bay hospital si, pero a sali bek y despues cu el a sali, e no a sufri ningun lesion of daño permanente di salud of algo asina y a tuma esey den consideracion cu a sali na fabor di e bewakernan.
E cuidado di prezo cu e detenido a dal, kibra su nanishi lag’e tur na sanger, mester a bay opera. Awo e tin cu bay opera un biaha mas. El a haci denuncia na Ministerio Publico. Tin un video caminda cu e persona ta dal’e y ta bringa cu nan despues cu a dal e guardia aki.
Aunke cu el a duna keho na Ministerio Publico, te dia di awe, e caso ey no a wordo atendi y Ministerio Publico no a hiba e caso aki dilanti di hues, pa wordo trata. Asina ta cu e persona aki, e guardia a wordo maltrata, cu nanishi kibra, a perde su trabao, e tempo ey.
Awor aki no por bisa si e ta bin bek, pasobra Lejuez no ta atende cu caso di ambtenarij pa e persona aki.
Mirando sentencia di hues, ta depende awor aki di e caso di ambtenaar, loke a sosode den e caso aki unda cu e huesnan a boltia completo den nan opinion, esey posiblemente por tin un efecto positivo p’e, den su caso di ambtenaar, Lejuez a splica.
Victima di maltrato por haya su trabao bek den KIA
