Willemstad, Curacao — Djadumingu 20 di desèmber alrededor di 23.45’or, Sentral di Polis a risibí notifikashon ku tin outo pará di un forma straño den área di vèlt na Scherpenheuvel.
Na yegada di e patruya nan a nota ku e outo su portanan no tabata di lòk. A kuminsá ku un investigashon i a bai na un kas na Blue Bay Resort kaminda e propietario di e Jeep aki ta biba.
Na yegada na e kas polis a konstatá ku tin un hòmber drumi abou den e kas ku man i pia mará i boka di teip.
Tambe nan a tuma nota di un otro hòmber den kas ku tambe man i pia mara i boka di teip. E hòmber aki no tabata duna señal di bida.
Dòkter di polis ku a presentá na e sitio a konstatá morto di e hòmber Francisco Narcicio Ignacia nasé na Kòrsou dia 17 di desèmber 1941.
Investigashon den e kaso aki ta kontinuá.
Hòmber morto hañá den kas.
